Home - Out

Switch video

Arkitekturaren inguruko edukiak ikertu, sortu eta ezagutzera ematen ditugu.

Kultura eta gizartearen zati den dibulgazio arkitektonikoa interes nagusitzat duen elkarte bat gara. Kontzientzia kritikoa sortzeko helburuarekin bizi garen inguru-eraikiari buruzko hausnarketa kolektiboa bultzatu nahi dugu.

Helburu horrekin, ekintza kultural berritzaileak diseinatu eta gauzatzen ditugu. Arkitektura eta hirigintzaren arloetan formatu irekietan oinarrituz, parte-hartze aktiboa eta gizartearen esperimentazioa bultzatzen ditugu.

Sinergiak eta sarean eginiko proiektuak bultzatzeko nahiarekin erakunde eta elkarte ezberdinekin lan egiten dugu. Urtero, OHWW nazioarteko hirien elkartearen kide bezala, komisariotza, antolakuntza eta garapen lanak gauzatzen ditugu Open House Bilbao arkitektura jaialdian.

Proiektu batzuk

Open House Bilbao

Komisariotza — Antolakuntza — Garapena

Urtero, aste bukaera batean zehar, hiriko eraikin esanguratsuenak irekiz hiritarrek esperimentatzea eta inguruarekiko kontzientzia hartzea helburutzat duen arkitektura ekitaldia da. Open House Bilbao-k urtero 35.000 bisita baino gehiago izan ohi ditu. Modu horretara Bizkaiko kultur ekitaldi nagusietako bat bilakatu da jaiadia.

openhousebilbao.org

Arkitekturaren Itsasadarra

Komisariotza — Antolakuntza — Garapena

Itsasadarraren bi ertzak josi dituzten hainbat arkitektura eta paisaia eredu ezagutzea ahalbidetzen duen eta itsasontzia egiten den ibilbidea. Bide guztian zehar azalpenak ondarean aditu den gida profesional batek ematen ditu.

Hiri ibilbideak

Promozioa — Antolakuntza — Garapena

Hiri ibilbideei esker paisaia eta espazio bereziak eta bertako istorio eta bitxikeriak ezagutzea ahalbidetzen duen ekintza. Parte-hartzea bultzatzen da eta dokumentu osagarriz beteriko eta arkitekto zein historialari edo profesional jakitunen eskutik gauzatutako ibilbideak izaten dira.

Hiriko talaiak

Promozioa — Antolakuntza

Hiriko begiraleku ezberdinetatik 360º begirada baten bitartez hiriari iraganetik gaur eguneraino osatu duten gertakizun arkitektoniko eta historikoen inguruan osatutako azalpenak.

Azpiegiturak eta paisaia

Sorrera — Antolakuntza

Lurralde mailako azpiegitura handietara eginiko bisita irekiak. Adibideetako bat Galindoko araztegia litzateke. Interpretazio zentrotik egiten den bisita, araztegiaren funtzionamendua azaltzeaz gain, etengabeko eraldatze prozesuan aurkitzen den azpiegitura honen esku-hartze paisajistikoaren berri ematen da.

Umeentzako arkitektura

Diseinua — Edukien sorrera — Antolakuntza

Umeak jolasen bitarteaz arkitektura eta hirigintza gaietan lehen pausoak emana ahal izateko formatua. Modu ludiko eta irudimenez beteriko jolasen bitartez eraikuntza eta hirien diseinuan barneratzen gaituzten ekintzak.